A pequena praia da Borna está situada na parroquia de Meira, no barrio do Latón. O areal atópase moi cerca dos límites municipais entre as parroquias moañesas de Domaio e Meira. É unha das praias da ría de Vigo que normalmente obtén a catalogación de Bandeira Azul.
Localízase entre Punta Moa e Punta Arroás, moi preto dunha zona industrial. Ten unha lonxitude de case 300 metros aínda que o areal ocupa a metade xa que as rochas sobresaen ocupando gran parte da praia. Debido ao seu carácter recollido, o areal é utilizado como fondeadeiro de pequenas embarcacións. Nunha das súas esquinas tolérase o nudismo.
Localización
Parroquia: Meira (Santa Eulalia)
Lugar: Isamil
36955 Moaña – Pontevedra
Coordenadas:
42º 16′ 55.7″ N – 8º 42′ 01.8″ W
Características
Lonxitude: 250 metros
Tipo: Praia aberta
Tipo de area: Grosa
