Coñecido como Pazo de Méndez Núñez, en alusión aos primeiros propietarios, o pazo do Real atópase nas inmediacións do porto deportivo de Moaña. A construción orixinal, que data da segunda metade do século XVIII e a primeira do XIX, atópase notablemente modificada na súa traza arquitectónica. Conserva, en ruínas, un valioso patrimonio arquitectónico, civil e etnográfico, consistente nos edificios dun pazo, un hórreo, un pombal e unha capela. Ademais, o pazo posúe unha amplia zona verde, onde aínda poden verse algúns exemplares botánicos de picea, aligustre, e árbores frutais cítricas.
Na capela deste pazo descansaron os restos do contralmirante Méndez Núñez até o ano 1881.
Proxecto participado por
