O miradoiro do monte do Faro está situado no cumio do monte de Domaio, a 636 metros sobre o nivel do mar. Ofrece unha espectacular panorámica da ría de Vigo, Rande e a enseada de San Simón. A súa situación estratéxica convérteo nun importante centro de telecomunicacións.
Neste punto nacen varios ríos pequenos e de caudal irregular. Estes ríos verten, polo sur, na ría de Vigo e, polo norte, na de Pontevedra. No entorno deste monte, a montaña máis alta da península do Morrazo e de todo monte Xaxán, seguido polo Coto de Home, hai varios centros de ocio. Destaca a zona de Chan da Arquiña que rodea a mámoa, do mesmo nome.
O punto máis alto do monte do Faro divide as parroquias de Domaio e Meira. A súa situación convérteo nun dos puntos más privilexiados para observar a ría de Vigo en todo o seu esplendor, xa que se pode divisar desde o estreito de Rande até a bocana da ría formada polos cabo Home e Silleiro.
En maio de 2021, habilitouse un miradoiro panorámico con plataforma metálica. Á parte da plataforma, instaláronse dúas orixinais esculturas xiratorias de madeira en forma de man. As esculturas foron creadas con motoserra por Tallas Yosi, artista natural de Moaña. Este miradoiro engrosa a lista xunto aos outros dous miradoiros de madeira instalados nas proximidades a principios de 2021, os miradoiros do Candón.
Pódese chegar até o lugar das esculturas desde a área recreativa de Chan da Arquiña.
